28.10 – 1.11.2017 оскуола учууталлара, устудьуоннар, преподавателлэр П.Тобуруокап айымньыларыгар үбүлүөйдээх уруоктары ыыттылар. Уопсайа 18 уруогу оскуола учууталлара, преподавателлэр үрдүк таһымҥа ыытан, устудьуоннар 24 уруогу ыытан үөрэнээччилэр болҕомтолорун тартылар, поэт айар үлэтин итийэн-кутуйан туран араас педагогическай технологиялары туһанан өйдөбүллээхтик тиэртилэр. Устукдьуоннар даҕаны кинилэртэн хаалсыбатылар – устудьуон П.Тобуруокап кырачааннарга суҥруйбут программанан үөрэтиигэ киирбит айымньыларын бэрт сэргэхтик оскуола үөрэнээччилэригэр тиэртилэр. Уруок биэрбит учууталлар сертификат туттулар, бастыҥ уруоктарга грамота туттардылар. Читать далее Декада 4,5,6,7 күннэрэ
Архив метки: стихи
Декада 3-с күнэ
П.Н.Тобуруокап айар үлэтигэр “Тыл хонуута” оонньуу ыытылынна. Уоннуу киһилээх сэттэ хамаанда кытынна. Оонньуу сыала – соруга: тылы-өһү имитии, айар дьоҕуру сайыннарыы, толкуйу торумнааһын, тылы сытыылааһын. Читать далее Декада 3-с күнэ
Декада 2-с күнэ. Хоһоон хонуутугар тоҕуорустулар…
Норуот бэйээтэ, училище 1937 с. выпускнига П.Н.Тобуруокап айар алыбыгар куустарбыттар алтынньы 26 күнүгэр хоһоон күрэҕэр күөн көрүстүлэр. Күрэххэ куорат үс оскуолата, педколледж уонна биирдиилээн баҕалаахтар кытыннылар. П.Н.Тобуруокап хоһооннорун кыратыттан кырдьаҕаһыгар, эдэриттэн эмэнигэр тиийэ таптаан ааҕар да буолаллар эбит: кырачаанар чоргуйан олороллор, ортолор оннооҕор ордуктар, саастаахтар саас-сааһынан нарылаан, иэйэр куттарын иһитиннэрдилэр, истиҥник сэһэргэстилэр. Элбэх да хоһоону иһиттибит, элбэҕи да биллибит, санаабытын сайҕаатыбыт, дууһабытын тумалаатыбыт. Читать далее Декада 2-с күнэ. Хоһоон хонуутугар тоҕуорустулар…
Декаданы арыйыы
Алтынньы 25 – сэтинньи 3 күннэрэ, 2017 с.
Училище 1937 с. выпускнига, буойун, учуутал, норуот бэйээтэ П.Н.Тобуруокап төрөөбүтэ 100 с. туолуутугар аналлаах “Күндүттэн күндүнү олоҕу туойбутум” декада. Читать далее Декаданы арыйыы