Тобуруокап - хоһоон ааҕыыта 2017

Декада 2-с күнэ. Хоһоон хонуутугар тоҕуорустулар…

Норуот бэйээтэ, училище 1937 с. выпускнига П.Н.Тобуруокап айар алыбыгар куустарбыттар алтынньы 26 күнүгэр хоһоон күрэҕэр күөн көрүстүлэр. Күрэххэ куорат үс оскуолата, педколледж уонна биирдиилээн баҕалаахтар кытыннылар. П.Н.Тобуруокап хоһооннорун кыратыттан кырдьаҕаһыгар, эдэриттэн эмэнигэр тиийэ таптаан ааҕар да буолаллар эбит: кырачаанар чоргуйан олороллор, ортолор оннооҕор ордуктар, саастаахтар саас-сааһынан нарылаан, иэйэр куттарын иһитиннэрдилэр, истиҥник сэһэргэстилэр. Элбэх да хоһоону иһиттибит, элбэҕи да биллибит, санаабытын сайҕаатыбыт, дууһабытын тумалаатыбыт.

Хоһоону биирдиилээн уонна бөлөҕүнэн аахтылар. Барыта 198 ааҕааччы кытынна. Ордук үчүгэй бэлэмнээхтэринэн буоллулар: Бүлүү № 1 начальнай оскуолатын үөрэнээччилэрэ (сал. Павлова И.И.), Бүлүү № 3 Герой Н.С.Степанов аатынан оскуола үс бөлөҕүнэн ааҕан кыттыбыта (сал. М.К.Муксунова), Бүлүүтээҕи педколледж уопсайын ааҕааччылара (сал. В.П.Николаева).

Ааҕыы П.Н.Тобуруокап хоһооннорун билигин да оҕо, ыччат, улахан дьон сөбүлээн ааҕалларын, олохторугар сүбэ-ама оҥостоллорун, суруйааччыга үйэлэргэ сүгүрүйэллэрин көрдөрдө.

Официальный сайт Вилюйского педагогического колледжа

Авторизация
*
*
Генерация пароля