Ааспыты ахтан, кэлбити кэрэһэлээн туран.

Араас сылларга үөрэнэн ааспыт училещаларын үбүлүөйүн көрсө кэллилэр ыраахтан-чугастан элбэх ыалдьыт, биирдиилээн дьонтон кылгастык бастакы санааларын үллэстэллэригэр көрдөстүбүт:

  1. Григорьева (Борисова) Валентина Васильевна — 1968 сыллаахха 2 спец «б» курсу бүтэрбитим, кураторбыт Михайлов Марк Михайлович этэ, бүтэрбиппит 50 сылбыт буолла, “Золотой выпусктар” буолабыт, быйыл кинигэ таһааттардыбыт онно анаан. Группабытыгар 3 спец курс баар этэ, уопсайа 70-ча буолан бутэрбиппит. 1966 сыллахха кэлэрбитигэр үөрэнэр корпус умайан хаалбыт этэ. Училищаны бүтэрэн баран Муома оройуонугар үлэлии барбытым — 37 сыл педстажтаахпын, 2004 сыллаахха үлэлээн бүппүтүм.
  2. Баишева (Федорова) Анна Егоровна диэммин 1968 сыллаахха училищаны бүтэрбитим, быйыл “Золотой выпуск” диэммин кэллим. Училище Юбилейынан манна үөрэнэ сылдьар оҕолору, преподавателлары үчүгэйдик үөрэнниннэр, үлэлээтиннэр диэн эҕэрдэлиибин. Бэйэм билиҥҥэ дылы учууталлыы сылдьабын, үлэлээбитим 50 сыл буолан эрэр, Мэҥэ-Хаҥалас Төҥүлү орто оскуолатыгар үлэлиибин. Биһиги оскуолабытыгар бу училищаны бүтэрбит выпускниктар 20-чэ киһи баар. Төҥүлү оскуолата быйыл 110 сааһын туолбута, онно анаан элбэх мероприятиялар буола тураллар. Мин бэйэм Бүлүүттэн сылдьабын, сыл аайы училище Юбилейыгар кэлэбин. Биһиги бэҕэһээ кэлбиппит, суолбут олус үчүгэй эбит. Бүгүҥҥүттэн саҕалаан араас мероприятыларга кыттыахпыт, мастер-класс көрдөрүөхпүт.
  3. Михайлова (Азнагулова) Екатерина Николаевна диэммин, Мирнэйтэн кэллим. 1985 сыллаахха «Кыһыл дипломунан” бүтэрбитим. Мин ийэлээх, аҕам иккиэн манна үлэлээбиттэрэ. Колледжпыт олус тупсубут. Учууталларбытыгар барыларыгар баҕарыам этэ доруобуйаны, ситиһиини уонна дьолу-соргуну. Биһиги тапталлаах курсоводпутугар Ульяна Федоровнаҕа уонна үөрэппит учууталбытыгар Евгений Романовичка, Мария Ивановнаҕа барыларыгар эҕэрдэбитин тириэрдэбит, олус үчүгэйдик өйдүүбүт барыларын. Биһиги 85 сыллааҕы выпускницалар 15 буолан бары Саха сирин араас улуустарыттан мустуохтаахпыт.

3.Таскина-Корнилова Анна Алексеевна диэммин. 1970 сыллаахха бүтэрбитим училищены. Икки куурус буолан бүтэрбиппит. Билигин Дьокуускай куоракка иккис нүөмэрдээх политехническай оскуолаҕа саха тылын учууталабын. Оскуолаҕа 48 сыл улэлээтим. Үбүлүөйунэн сибээстээн биһиги бэйэбит кууруспут туһунан кинигэ таһааран презентациялыахтаахпыт.

4.Николай Васильевич диэммин. 1988 сыллаахха школьнай отделенияны бүтэрбитим. Училищебыт 95 сыллаах юбилейыгар анаан кэллим. Бу идэни баһылаан, учууталлаабытым 30 сыл буолар. Манна бииргэ үөрэммит оҕолорбун, үөрэппит учууталларбын көрсө кэллим. Эдэр корреспонденнарга, үлэҕитин тарҕата тураргытыгар, 3 күннээх  күүстээх үлэҕит үчүгэй туруктаах буоллун диэн баҕарабын.

Интервью 28.03.18

1.Иванова Лена Романовна диэммин.  2007 с. Дошкольнай отделенияны бүтэрбитим. Сунтаар нэһилиэгэр үлэлиибин. Темам «Психолого-педагогическая готовность к обучению в школе в условиях организации ФГОС». Дакылаатым сыала-соруга оскуолаҕа бэлэмнээх буолуу, ФГОС ойдөбүлүгэр оҕону хайдах бэлэмниэххэ сөбүй диэн.

2.Ефремова Раиса Семёновна диэммин. 1990 сыллаахха бүтэрбиппит. Кураторбыт Людмила Николаевна Мамонтова этэ. Бүлүүтээҕи Г.С.Донской аатынан 2 нүөмэрдээх орто оскуолатын учууталабын. Биһиги доклаппыт темата «Сыыппаралар дойдуларыгар айан» электроннай пособие уонна рабочай тэтэрээт 1 кылаас оҕолоругар аналлаах. Биһиги дакылааппыт сүрүн сонуна диэн саха кылаастарыгар рабочай тэтэрээт диэн суох, ону биьиги оноробут. Рабочай тэтэрээккэ киирэллэр: сахалыы остуоруйалар, кэпсэээннэр, сахалыы таабырыннар, өс хоһоонноро, чабырахтар. Холобура: оҕо уус-уран айымньылары кытта математика уруогар тэҥҥэ билсэр. Иккис оскуолаттан биһиги коллективынан кытта кэллибит.Кыттааччыларга баҕарыам этэ ситиһиилэри. Бүгүн үөрүүлээх күнүнэн бииргэ үөрэммиттэрбин училищебыт юбилейынан барыларын эҕэрдэлиибин.

Конференция кыттааччыларыгар маннык боппуруостарга эппиэттииллэригэр көрдөстүбүт:

  1. Махарова Анна Егоровна – Бүлүүтээҕи №1 орто оскуолатын биология учуутала, авторскай разработка секцията. Докладым сүрүн нуомаһа уруокка профориентацияны хайдах сөптөөхтүк таларга көмө. Бу НПКаҕа икки буолан кытта кэллибит Рада Андреевналыын эмиэ биология учуутала.
  2. Васильева Розалия Спиридоновна — Бүлүү улууһун Лөкөчөөн орто оскуолатын алын кылаас учууталабын. Биһиги 1987 сыллаахха училищаны бүтэрбиппит, класснай руководпут Кириллина Валентина Кузьминична этэ. Мин докладым темата «Сергей Зверев айымньыларын начальнай кылаас оҕолоругар үөрэтии», сүрүн сонуна диэн билиҥҥи оҕолор сахалыы тыллар суолталарын олох үчүгэйдик билбэттэр уонна оҕо бэйэтин санаатын уустаан-ураннаан этэрэ олох мөлтөөтө. Ол иһин биһиги Сергей Зверев айымньыларын начальнай кылааска хайдах сөпкө үөрэтии методикаларынан үллэстэ кэллибит. Бары ыалдьыттары, үлэһиттэри, бүтэрбит выпусниктары уонна билигин үөрэнэ сылдьар студеннары бу Юбилейынан ис сүрэхпиттэн эҕэрдэлиибин.
  3. Евсеев Матвей Дорофеевич — физкультура уонна спорт секциятыгар «Өбүгэ төрүт хамсаныыларын уол оҕону эт-хаан өттүнэн сайыннарыыга туһаныы көдьүүһэ» диэн темалаах докладпынан кытынным. Бу докладым сүрүн сонуна диэн, уол оҕону эт-хаан уонна эт-сиин өттүнэн дьарыктааһын буолар. Саха оскуолатыгар норуот педагогикатын сайыннарыы буолар, онон алын кылаас учууталларыгар наадалаах. Оҕолору кыра кылаастан саҕалаан сахалыы оонньууларынан, спорт көрүҥнэринэн дьарыктыахха диэн бу доклады аахтым. Барыта 10-ча кыттааччы баар. Бүгүҥҥү кыттаачылар бэйэлэрин опыттарын атастаһыы буолла, үлэлээбит сылларыгар бэйэлэрин уонна оҕолорун ситиһиилэрин кэпсээтилэр.

 Саха тылын уонна национальнай культура секциятыгар уопсайа 22 киһи кытыыны ылла. Верхоянскай курдук ыраах сиртэн кэлбит Ефимова Александра Дмитриевна сонун теманан ситиһиилээхтик бэйэтин опытын тарҕатта. Олоҥхону оскуолаҕа көдьүүстээхтик үөрэтиигэ уопсайа 3 тиэмэ ааҕылынна. Национальнай культураҕа сыһыаннаах «Сахалыы остуол оонньуулара» диэн ис хоһоонноох теманан Баишева Анна Егоровна ааҕҕааччылары сэҥээртэ. Үөһээ Бүлүүттээҕи 4 нүөмэрдээх оскуола учуутала Яковлева Марина Сергеевна «Үс тыл түһүлгэтэ» диэн темата аныгы үөрэх ирдэбилигэр сөп түбэһэр тоҕоостоох үлэ дии саныыбын. Колледж преподавателэ Алексеев Евгений Романович этнопедагогика диэн наука  учуутал буолаары сылдьар устудьуоннарга улахан оруоллааҕын бэлиэтээтэ уонна бу предмети үөрэтии ньымалын быһаарда. Мамонтовтар Константин Меркурьевич уонна Людмила Николаевна саха национальнай культурата үрдүк таһымҥа тахсарын наадатыгар эдэр ыччаты көҕүлүүргэ, тас дойдуга бэйэбит культурабытын, сиэрбитин-туоммутун күүскэ тарҕатарга ыҥырдылар. Биһирэммит үлэлэри бэчээккэ таһаарарга  мэктиэлээтибит.