Салама ыйааһына

Ыам ыйын 22 күнэ — сааскы Ньукуолун. Алын кылаас учууталларын бэлэмниир салаа үгэскэ кубулуйбут тэрээhинин салама ыйааhынын сиэрин-туомун хас биирдиибит эдэрдиин-эмэнниин күүтэбит, кэтэһэбит.

Сааскы Ньукуолуну көрсө, күөххэ үктэммиччэ айыыларга, сир-дойду иччилэригэр сүгүрүйэ саха тылын преподавателэ Софронеева Мария Андреевна саламанан симээһин сиэри-туому толорууну саҕалаата, 9 туруйа уолаттар, 7 кыталык кыргыттар алгысчыты арыаллаан битийэн киирдилэр. Айылҕа сүдү күүстэригэр итэҕэйии, өбүгэ сиэрин-туомун  илдьэ сылдьыы көлүөнэттэн көлүөнэҕэ салҕанара үөрүүлээх.

Бу күүтүүлээх  улахан тэрээһиммитигэр, төһө да халлааммыт тымныытын иһин, устудьуоннар, үлэhиттэр тоҥору-хатары аахсыбакка, олус сэргэхтик, өрө көтөҕүллүүлээхтик кыттыбыттарын бэлиэтиэххэ наада. Саха омук төрүт үҥкүүтүттэн-оһуокай күрэҕиттэн саҕалаан, араас  күрэхтэр ыытылыннылар, дьоро күммүт «Көрдөөх-нардаах эстафетанан» түмүктэннэ.

Түгэнинэн туһанан, иилээн-саҕалаан, тэрийэн ыыппыт салаабыт сэбиэдийиссэйигэр Назарова Валентина Максимовнаҕа, көхтөөхтүк кыттыбыт ыалдьыттарбытыгар, устудьуоннарбытыгар барҕа махтал буолуохтун! Барыгытыгар ыам ыйын ыраас халлаанын курдук киэҥ-куоҥ санааланаргытыгар, күлүмүрдүүр күнүн курдук кэрэ мичээр аргыстанаргытыгар,  от-мас силигилээн, көҕөрөн турарын курдук куруук эдэр буоларгытыгар баҕарабыт!

 

 

Анжелика КОЛТОВСКАЯ, алын кылаас учууталларын бэлэмниир салаа тьютора

Салама ыйааһына Салама ыйааһына Салама ыйааһына Салама ыйааһына Салама ыйааһына Салама ыйааһына Салама ыйааһына Салама ыйааһына Салама ыйааһына Салама ыйааһына Салама ыйааһына

×

Hello!

Click one of our contacts below to chat on WhatsApp

× Центр социально-психологической поддержки.