Сэтинньи 8 күнүгэр САССР үтүөлээх учуутала, Бүлүү училищетыгар 16 сыл дириэктэринэн үлэлээбит, наукаҕаа сахалартан ааттары үөрэтиини олохтообут Иванов Михаил Спиридонович – Багдарыын Сүлбэ төрөөбүтэ 96 сылын көрсө Николай Гаврилович Чернышевскай аатынан Бүлүүтээҕи профессиональнай педагогическай колледжка бэлиэтээтилэр.
Багдарыын Сүлбэ скверыгар мэҥэ бэлиэтигэр преподаватэллэр уонна устудьуоннар бу бэлиэ түгэҥҥэ мустан сибэкки дьөрбөтүн уурдулар. Улахан учуутал, учуонай туһунан иитэр үлэҕэ дириэктэри солбуйааччыта Докторова Л.В., колледж профкомун бэрэсэдээтэлэ Егоров Е.Я., салаалар сэбиэдиссэйдэрэ Багдарыын Сүлбэ норуотугар оҥорбут үтүөтүн бэлиэтээн, киэҥ ис хоһоонноох тыл эттилэр. Устудьуоннар бэрт элбэҕи көрөн, истэн, кэрэ киһи туһунан үтүө өйдөбүлү иҥэриннилэр.
