«Хамсаныы олох төрдө буолар» диэн мээнэҕэ эппэттэр. Хас биирдии туттуу-хаптыы, хамсаныы, иҥиир-быччыҥ уунаҥныыра, киһи чэгиэн этэ-сиинэ кииллийэригэр наадалаах, суолталаах.
Саха киһитэ айылҕатынан кыра эрдэҕиттэн хамсанан улаатара саарбаҕа суох. Маннык санаанан салайтаран алтынньы ый 18 күнүгэр БППК спорт саалатыгар алын сүһүөх учууталларын бэлэмниир салаа устудьуоннарын икки ардыларыгар волейбол уонна көрдөөх старт буолан ааста. Күрэҕи иилээн-саҕалаан ыытта Матвей Дорофеевич Евсеев. Устудьуоннар тыҥааһыннаах киирсии түмүгүнэн 112 бөлөх устудьуоннара кыайыыны ыллылар
Бу курдук эдэр ыччаты чөл олох, спорт умсулҕаныгар угуйан ситимнээхтик салайдахха, инники олоҕор төһүү күүс буолара саарбаҕа суох. Инникитин маннык түмэр, сайыннарар тэрээһиннэр элбии туруохтара диэн эрэнэбит.
