Ахсынньы 8 күнүгэр, Арассыыйа үрдүнэн биллэриллибит «Педагог уонна аҕа настаабынньык» сылын чэрчитинэн Үөһээ Бүлүү И.Н Барахов аатынан 1-кы нүөмэрдээх орто оскуолаҕа РСФСР уонна Саха АССР оскуолаларын үтүөлээх учуутала, учууталлар Учууталлара, методист, настаабынньык, Бүлүүтээҕи педагогическай училище выпускнига Николай Васильевич Егоров 120 сааһыгар аналлаах » Учуутал! Эн үрдүк ааккар сүгүрүйэн…» диэн өрөспүүбүлүкэтээҕи семинар буолла.
Манна араас улуус учууталлара, уһуйааччылара үлэлэрин сырдаттылар, опыттарын атастастылар.
Биһиги колледжпыт аатыттан Евгений Романович Алексеев, Матрена Антоновна Саввинова уонна Туяна Дамдиновна Саввинова кыттыыны ыллылар.
Семинар бастыҥ учууталлар аһаҕас уруоктарынан саҕаланна, маастар-кылаас көрдөрдүлэр.
Ол кэннэ музейга Н.В Егоровка аналлаах истиэндэни арыйыы буолла. Ыҥырыылаах ыалдьыттар ахтыы оҥордулар, онтон кинилэри кытта хаартыскаҕа түстүлэр.
Төгүрүк остуол тула санааларын атастастылар, кэпсэттилэр.
Семинар махтал суруктары туттарыынан түмүктэннэ.
