2021 сыл түмүктэнэрэ бэрт аҕыйах күн хаалла. Россияҕа Наука сылыгар колледжка элбэх ситиһиилэр баалларын бэлиэтиир тоҕоостоох. Ол курдук ахсынньы ыйга XV-с төгүлүн ыытыллар науканан дьарыгырар эдэр чинчийээччилэр киэҥ программалаах “Инникигэ хардыы” диэн форумнара буолан ааста. Форумҥа 33 орто анал үөрэх кыһаларыттан 1290 ыччат кытынна. Биһиги колледжпыт уопсай түмүгүнэн 3- үс бочуоттаах миэстэни ылла, бу улахан ситиһии буолар. Оҕолор үлэлэрэ үрдүктүк сыаналанан, аан дойду, Россия таһымнаах научнай- практическай конференцияларга Москва, Санкт Петербург куораттарга барыахтара.
Колледжпыт кэҥээн, саҥа кэрдиискэ тахсан, инники сайдыыны тобулар саҥа суоллары көрдөнүү, ыччат үүнэр-сайдар кыаҕын кэҥэтэр усулуобуйаларын олохтооһун тэрээһиннээхтик, ситимнээхтик ыытыллар.
Кэлэр сыл биһиэхэ ураты бэлиэ сыл иһэр, 2022 сылга колледжпыт 100 сааһын туолуоҕа. Үбүлүөй тэрээһиннэрэ 2022-2023 үөрэх сылыгар кулун тутар ыйга ыытыллыахтара. Үөрэх, үлэ барыта ол чэрчитинэн барар.
Бу күннэргэ колледж бэйэтин үлэтин-хамнаһын туһунан республика телевидениятыгар, «Тэтим” араадьыйаҕа тахсан киэҥник сырдатыылара үгүс ахсааннаах выпускниктарын, педагогическай общественность улахан сэҥэриитин ылла. Колледж директора Алексеев Иван Иванович үөрэх кыһатын бүгүҥҥүтүн, инникигэ сыалын-соругун сырдатта. Кинини кытары Россия үөрэҕириитин үтүөлээх учуутала Евгений Романович Алексеев, СӨ үөрэҕириитин туйгуна Елизавета Александровна Прокопьева, информатика учуутала Надежда Владимировна Васильева, методист Светлана Ивановна Иванова, техническэй дисциплиналары үөрэтэр преподаватель Николай Николаевич Семенов сылдьыстылар. Е.Ярославскай аатынан кыраайы үөрэтэр түмэлгэ педчеллендж Көмүс чуораанын Амма, Өлөөн, Эдьигээн, Дьааҥы улуустарыгар уонна Хатас орто оскуолатыгар туттарыы үөрүүлээх түгэнэ буолла. Көрсүһүүнү музей сотруднига, тэрийэр үлэни иилиир-саҕалыыр салаа сэбиэдиссэйэ Максимова Октябрина Петровна олус истиҥник ыытта. Тэрээһиҥҥэ кытыннылар Өлөөнтөн Сугулаан бэрэссэдээтэлэ Сергеев Альгис Семенович, Эдьигээнтэн Баахынай оскуолатын дириэктэрэ Шишигин Айсен Егорович, Верхонскайтан нэһилиэнньэҕэ социальнай көмөнү оҥорор управление специалиһа Слепцова Елена Афанасьевна, Хатас оскуолатыттан колледж выпускниктара педагогическай наука кандидата, нуучча тылын уонна литературатын учуутала Гаврильева Оксана Павловна, алын кылаастар учууталлара Томская Аида Азотовна, Саввинова Саргылана Петровна, Острельдина Айталина Степановна. Бу күн алын сүһүөх кылаастар учууталларын, детсад саастаах оҕолор иитээччилэрин бэлэмниир уонна коррекционнай педагогика салаалара, сэбиэдиссэйдэр Назарова В.М., Максимова М.А., Прокопьева М.Н., “Ийэ сыла- үтүө дьыала сыла” диэн ааксыйа биллэрэн, Өлөөн, Дьааҥы, Эдьигээн улуустарыгар оҕону уонна дьиэ кэргэни өйүүр Кииннэргэ устудьуоннар бэлэх- баһыылкаларын үөрүүлээх туттарыыта буолла.
Светлана Мытник
