Ярмарка общественных организаций

Угэс буолбут устудьуоннар кэтэhэр тэрээhиннэрэ…

Колледжпыт иһинэн хас биирдии устудьуон , үлэһит бэйэтигэр саҥа талааны арыйа , сырдыкка талаһа араас куруһуоктарга сылдьан холонор. Ол курдук алтынньы 12 күнүгэр биһиги кэккэбитигэр үлэлии сайда турар араас организационнай куруһуоктарга эбии набор буолла. Ону таһынан куруһуок чилиэннэрэ бэйэлэрин көрдөрө , билиһиннэрэ туох талааннаахтарын , тугунан дьарыгыралларын көрдөрөн, сөхтөрөн солун киэһээ буолла. Оннук гынан устудьуоннарбыт элбэҕи дабайарга , ситиһэргэ үөрэнэн организацияларга көхтөөх кытыыны ылалларыттан киэҥ туттабыт , хайҕыыбыт. Маннык дьарыктанан истэхтэрин ахсын инники түстүүр суолларыгар элбэх ситиһиилээх, дьарыктаах, үтүө киһи буола сайдыахтара диэн бигэ эрэллээхпит. Бу организациялары үксүн преподавателльарбыт салайан ыыталлар. Кинилэр сылаас истиҥ илиилэриттэн саҕалаан удьуор утума быстыбакка салҕанан республикаҕа тиийэ кытталлар. Ким үҥкүүнэн , ким чинчийиинэн биһигини кытта эрчимнэхтик сүүрэ – көтө сылдьалларыттан олус диэн киэҥ туттабыт,  биhиэхэ үтүө холобур буолаллар.

                                                                                         Дайаана Филатова

Официальный сайт Вилюйского педагогического колледжа