Ыам ыйын 23 күнүгэр М.Н. Жирков аатынан оройуоннааҕы Култуура дыбарыаһыгар сыл түмүктэрин таһаарар “ДОБУН” аан маҥнайгытын ыытыллар бастыҥнары чиэстиир үөрүүлээх тэрээһин буолан ааста.
Тэрээһин маҥнайгы чааһыгар быйыл үөрэхтэрин бүтэрэр устудьуоннарга улуус, куорат дьаһалталарын, үөрэх, спорт, култуура управлениларыттан уонна эдэр ыччат түмсүүтүн аатыттан махтал суруктары туттардылар. Ону тэҥэ, үөрэхпит кыһатын үлэһиттэрэ, уһуйааччылара Бүлүү куората төрүттэммитэ 390 сыллаах үбүлүөйдээх бэлиэнэн наҕараадаланнылар.
Дирэктэри иитэр үлэҕэ солбуйааччы Лилия Васильевна Докторова сыл түмүгүн билиһиннэрбитэ уонна идэлээх үлэтигэр үрдүк ситиһиилэрин иһин үлэлэригэр үрдүк көрдөбүлү көрдөрбүт уһуйааччыларга, колледж иһинэн үлэлир бырайыак ааптардарыгар “Добун” анал ааты туттарарбыта.
Үөрэх, билим эйгэтигэр үрдүк ситиһиилэри көрдөрбүт устудьуоннарга колледж методиһа Волчок Татьяна Ивановна уонна производственнай практика салайааччыта Басова Елена Васильевна Добун Анал ааты туттардылар.
Сылын аайы регион таһымыгар ыытыллар “Студвесна” өрөспүүбүлүкэ орто анал үөрэх кыһаларын устудьуоннарын икки ардыларыгар ыытыллыбыт күрэххэ уопсай түмүгүнэн биһиги колледжпыт муҥутуур кыайыылааҕынан ааттаммыта. Ол чэрчитинэн, култуура эйгэтигэр үрдүк ситиһиилэри көрдөрбүт устудьуоннарга уонна “Голоса истории” Бүтүн Россиятааҕы фестивальга үрдүк көрдөрүүлэри көрдөрбүт “Хорсун” байыаннай кулуупка “Добун” ааттары туттарда директоры иитиигэ сүбэһитэ Айтал Мичилович Николаев.
Спорт эйгэтигэр элбэх ситиһиилэрдээх түмүктээн эрэрбититтэн, киэн туттар спортсменнарбытытыгар уонна орто анал үөрэх үлэһиттэрин икки ардыларыгар ыытыллыбыт спартакиадаҕа бастаабыт хамаанданы физкультура салаатын сэбиэдиссэйэ Соломонов Максим Николаевич уонна колледж идэлээх сойууһун бэрэсэдээтэлэ Евгений Яковлевич Егоров анал ааттары туттардылар.
Тэрээһин иккис чааһыгар колледж иһинэн үлэлиир эбии дьарыктар чаҕылхай туруорууларын мустубут бар дьоҥҥо көрдөрдүлэр.
Бу күн, сыл аҥара үгүс үтүмэн үрдүк көрдөрүүнү, элбэх эриэккэс түгэннэри, үөрэхпит кыһатын сайдыытыгар ситиһиини аҕалбыт бастыҥнарбытын чиэстээтибит уонна эҕэрдэ эйэҕэһин бэлэхтээтибит! Инникитин даҕаны, “Добун” анал ааттары туттарыы тиһигин быспакка ыытылла туруоҕа.
