Муус устар ый 10 күнүгэр Н.Г. Чернышевскай аатынан Бүлүүтээҕи профессиональнай-педагогическай колледж тэрийиитинэн Саха республиикатын үөрэҕириитин туйгуна, үөрэҕирии бочуоттаах ветерана, учууталлар учууталлара Евсеев Матвей Дорофеевич юбилейыгар сөп түбэһиннэрэн аһаҕас хайыһар күрэҕэ үрдүк таһымҥа ыытылынна. Матвей Дорофеевич оҕо эрдэҕиттэн спорт араас көрүҥнэринэн дьарыктаммыта. Хайыһарга ситиһиилэрин аҕыннахха, кини Советскай Армия кэккэтигэр сулууспалыы сылдьан 1975 с. военнай уокурук кыайыылааҕа, 4-с кыһыҥҥы Универсиада хамаанданан күрэх кыайыылааҕа, кэлин республика, зона ветераннарга хас да төгүллээх чемпиона призера. 1985 сылтан күн бүгүнүгэр диэри Бүлүү педколледжын физкультураҕа преподавателинэн айымньылаахтык үлэлии сылдьар.
Күрэх үөрүүлээх аһыллыытыгар колледж директора И.И. Алексеев, СР физическай культуратын уонна спордун үтүөлээх үлэһитэ Г.Е. Васильев эҕэрдэлээн тыл эттилэр. Күрэхтэһээччилэри ис сүрэҕиттэн үөрэн туран М.Д. Евсеев эмиэ эҕэрдэлээтэ уонна колледж салалтатыгар күрэҕи тэрийии, истиҥ эҕэрдэ иһин махтанна.
Күрэххэ уопсайа 25 хайыһардьыт күөн көрүстэ. Сытыы киирсии кэнн түмүк маннык буолла: кыргыттарга 1 бастакы миэстэни эрэллээхтик ылла Николаева Аня (ДЮСШ), 2 миэстэни ылла Попова Зоя (ДЮСШ), 3 миэстэ Щербина Юля (ДЮСШ). Уолаттарга 1 миэстэни ылла Лысхаев Федя (ДЮСШ), 2 миэстэ Лукин Артем (Дьөккөн орто оскуолата), 3 миэстэ Васильев Семен (ВППК).
Дьахталларга 1 миэстэни сэрэйиллибитин курлук эрэллээхтик ылла Инга Архангельская, 2 миэстэни ылла Сайыына Иванова, 3 миэстэни Аида Капитонова. Эр дьоҥҥо 1 миэстэ Василий Евсеев, 2 миэстэ Олег Сивцев, 3 миэстэ Альберт Софронов.
Эстафета икки көрүҥүнэн: оҕолорго уонна улахан дьоҥҥо ыытылынна. Оҕолорго 1 миэстэни ылла ДЮСШ хамаандата, 2 миэстэни Бүлүү хамаандата, 3 миэстэни Дьөккөн орто оскуолатын хамаандата. Улахан дьоҥҥо 1 миэстэни ылла ДЮСШ, 2 миэстэни ВППК, 3 миэстэни Дьөккөн орто оскуолатын хамаандата.
Кэлин умнууга хааланн эрэр хайыһар спордун сөргүтүүгэ колледж салалтата кылаатын киллэрэн туран, күрэҕи сылын аайы ситиһиилээхтик ыытарга, тэрээһинин үрдэтэргэ сорук ылынна.
Күрэх кылаабынай судьуйатынан В.В. Афанасьев, сүрүн тэрийээччинэн Н.И. Николаев үлэлээтилэр.
