Хас биирдии саха киһитэ уһуктаах уһун кыһын кэннэ сайыҥҥы итии салгыны иҕэрийэр, күүс-уох ылынар үөрэр-көтөр, сылаанньыйар бырааһынньыгынан Ньукуолун күнэ.
Ол курдук бу күнү көрсө Ыам ыйын 22 кунугэр сайын са5аланар, кэ5э этэр, мутукча көҕөрөр кэмигэр Н.Г.Чернышевскай аатынан Бүлүүтээҕи профессиональнай-педагогическай колледж алын сүһүөх учууталларын бэлэмниир салаа үгэскэ кубулуйбут «САЛАМА ЫЙААҺЫНА» сиэрин-туомун астына-дуоһуйа ыыттылар. Устудьуоннар «КУСТААХ» эбэ күөлүгэр киирэн Мария Егоровна Оконешникова алгыһын иҥэринэн Аар ытык хатыҥҥа сүгүрүйэн салама ыйааһынын сиэрин-туомун толордулар. Алгыс кэннэ салаа иһинэн үгэскэ кубулуйбут саха төрүт оонньуутун оройуттан туттулар. Ол курдук «Быһый кыыһы сырсыы», «Уһун суһуох», «Лоокуут уонна Ньургуһун», спортивнай күрэхтэргэ бөлөхтөр икки ардыларыгар тыҥааһыннаах киирсии буолла. Бу курдук устудьуоннар айылҕалыын алтыһан, саха төрүт оонньуутугар оонньоон, аһын аһаан, сынньанан, саха буолан сандаардылар, киһи буолан килбэйдилэр. Үгэспитин сыл аайы ыытан ыччакка төрүт сахалыы эйгэни тэрийэн, утумнаан иһэрбититтэн киэн туттабыт.
Бу күн кэлэн кыттыыны ылбыт уһуйааччыларбытыгар барҕа махталбытын биллэрэбит.
