Бу дьыл тохсунньу 22 күнүгэр тохсунньу томороон тымныытын ахсарбакка алын сүһүөх учууталларын бэлэмниир салаа устудьуоннара Н.С. Степанов аатынан Бүлүүтээҕи 3№дээх орто оскуолатын 8 “А” педагогическай кылаас үөрэнээччилэрин кытта истиҥ иһирэх көрсүһүү буолан ааста. Кылаас салайааччыта Софронова Рита Николаевна хас биирдии оҕолорун учуутал буоларга бэлэмнэрин, педагогическай институтун кытта сөбүлэҥ түһэрсэн, нэдиэлэҕэ иккитэ эбии дьарык ааһалларын билиһиннэрдэ. Устудьуоннар бэйэлэрин салааларын, колледж хайысхаларын, дьарыктарын туһунан сиһилии кэпсээтилэр. Кэпсэтии оҕо төрөөбүт тылынан санаатын сайа этинэр сыаллаах ыытылынна.
Оҕолор: «Сахабыт тыла олус баай. Тыла суох омуктар аҕыйах кэминэн симэлийэн хаалар кутталлаахтар. Ийэ тылбыт сүппэтин туһугар саха дьоно бары үлэлиэхпитин наада» диэн бэйэлэрин санааларын этинэллэр. Түмүккэ устудьуоннар оҕолорго анаан колледжы көрдөрөн, квест-оонньуу ыытан, махтал сурук туттаран үөрэн-көтөн түмүктээтилэр. Салгыы бу кылааһы кытта сибээһи быспакка, өссө да элбэх былааны торумнуох буоллубут. Маннык көрсүһүүлэр инникитин хас биирдии устудьуоҥҥа сахалыы толкуйу, санааны саҕыа диэн эрэнэбит.
Алын сүһүөх учууталларын бэлэмниир салаа сэбиэдиссэйэ Сахая Варламова.
