«Туругура тупса тур,
Тирэҕирэ чиҥии тур,
Тоҕойдору туораан ис,
Араҕастары ааһан ис
Саргы дьаһаан Сахам тыла,
Сарыал санаам — Сахам тыла!»
Төрөөбүт тыл күнэ – саха дьонун өйө-санаата бөҕөргүүрүгэр, билиитэ-көрүүтэ дириҥииригэр олохторун анаабыт саха интеллигенциятын чаҕылхай бэрэстэбиитэллэригэр, учуонайдарыгар сүгүрүйүү уонна ытыктабыл бэлиэтэ буолар. Бу күнү Н.Г.Чернышевскай аатынан Бүлүүтээ5и профессиональнай-педагогическай колледж устудьуоннара үлэhиттэрэ сылын аайы көтүппэкэ бэлиэтииллэр.
![](https://vilcollege.ru/wp-content/webpc-passthru.php?src=https://vilcollege.ru/wp-content/uploads/2022/02/764562f8-a58f-4968-97d1-aa02e5498fa4-1024x768.jpg&nocache=1)
Ол курдук олунньу ый 7-14 күнүгэр дылы араас хабааннаах тэрээhиннэргэ көхтөөхтүк кытыннылар. Саха этигэн тыла уус-уран аа5ыы күрэ5э. Уус-ураннык ааҕар дьоҕурун сайыннарыы; поэттар айымньыларын үйэтитии; уран тыл күүһүнэн төрөөбүт дойдуга тапталы иитии; сана талааннары арыйыы ыытылынна Күрэх түмүгүнэн:
I степеннээх Дипломант – Булдакова Сайыына 471 бөлөх устудьуона
II степеннээх Дипломант – Булдакова Айыына 471 бөлөх устудьуона
III степеннээх Дипломант – Васильева Владислава 111 бөлөх устудьуона
III степеннээх Дипломант – Тимофеева Наталья 281 бөлөх устудьуона
“Көрөччү биhирэбилэ» номинация кыайыыла5а – Соловьева Василина 171 бөлөх устудьуона. Күрэх кыттааччыларыгар, салайааччыларга бар5а махталбытын тиэрдэбит.
![](https://vilcollege.ru/wp-content/webpc-passthru.php?src=https://vilcollege.ru/wp-content/uploads/2022/02/4573731d-63db-402e-9eab-6eb5087434a3-1024x766.jpg&nocache=1)
Олунньу 14 кунугэр ZOOM платформа нөҥүө. Педагогическай наука кандидата, Бүлүүтээҕи педагогическай колледжка өр сылларга үлэлээбит уһуйааччы-методист Ульяна Федоровна Кондакова аатын үйэтитэр сыаллаах «Тыл оонньуута» салаалар икки ардыларыгар саха тылын уонна литературатын билиигэ күрэх. Күрэххэ уопсайа 7 салаа күөн көрсөн араас тургутуктары аастылар. Күрэх түмүгүнэн:
1 миэстэ — ОПИ
2 миэстэ — ОНТ
3 миэстэ — ПДО
Кыайыылаахтарга эҕэрдэ эйэҕэһэ, кыттыбыттарга махтал бастыҥа.
Олунньу 14 кунугэр бибилэтиэкэ саалатыгар үлэhиттэргэ, уhуйааччыларга «Сахалыы ырыаастык суруйуох» сахалыы диктант ыытылынна.
![](https://vilcollege.ru/wp-content/webpc-passthru.php?src=https://vilcollege.ru/wp-content/uploads/2022/02/4d30642a-e784-4117-8dd9-6c471a085a2f.jpg&nocache=1)
Бу курдук төрөөбүт тыл кэхтибэт, сүппэт анала биhигиттэн хас биирдиибититтэн тутулуктаах. Билигин биһиги бары норуот бараммат баай тылын, үйэлээх култууратын, үтүө үгэhин уонна ылбаҕай суругун-бичигин харыстаан, хаҥатан кэлэр көлүөнэҕэ тиэрдэр хоруйу тутуохтаахпыт. Сахалыы сайаҕастык саҥарар, иэйиибитин истиҥник этинэр Ийэ тылбыт үйэлэргэ сүппэккэ үүнэ сайда турдун!