«Киһи киһинэн – олорор, киһи киһинэн – тыыннанар…»

Ойуурдаах куобах охтубат,

                                                            дьонноох – сэргэлээх киһи тутайбат

                                         диэн мээнэҕэ этиллибэт,

                                                               киһиэхэ кыра да болҕомто ууруллара,

                                                                олоххо кынаттыыр, үөрүүгэ сирдиир…

Тохсунньу 23 күнүгэр «Алгыс» сынньалаҥ киинигэр Бүлүүтээҕи педагогическай үөрэх кыһатын көҕүлээһининэн; студеннар, үлэһиттэр уонна Кыргыдай нэһилиэгинталба талааннаахтарын күүстэринэн аһымал акция концерт буолан ааста.

Концертан киирбит харчы БПК выпускницатыгар, «Айылгы» ансаамбыл фольклорнай бөлөҕүн көхтөөх кыттааччытыгар, эбии үөрэхтээһин салаатын бастыҥтэрийээччи устудьуонунугар, Катя Майорова5а ыараханнык ыалдьан суһаллык улахан операцияҕа барарыгар ананыаҕа.

Концертка кыттыыны ыллылар, сыанаҕа патриотическай ырыаны тарҕатааччы, араас таһымнаах конкурустар үгүс төгүллээх лауреаттара ВАСИЛЬЕВ ХОРА, Кыргыдай нэһилиэгиттэн «Дайыы» үҥкүү бөлөҕө, Василий Абрамов, Рустам Абрамов, «Айылгы» ырыа-үҥкүү норуодунай коллективын үҥкүүһүттэрин, фольклорнай бөлөҕө, «Дэгэт» вокальнай ансаамбыл, Сахая Варламова, Иннокентий Архангельскай, Салтанат Маччаева уо. д. а.

Концерт кэмигэр счетнай хамыыһыйа тэриллэн улэлээтэ. Акцияҕа Бүлүү куорат олохтоохторо, Катя биир дойдулаахтара, аймахтара, бииргэ үөрэммит доҕотторо – атастара сүдү кылааттарын киллэрдилэр. Ол курдук ИП Егорова Розалия Николаевнаҕа, Г.И. Чиряев аатынан орто оскуола коллективыгар, Васильев хоругар, студеннар профкомнарын председателыгар, БПК-ҕа Катяны кытта бииргэ үөрэммит доҕотторугар махталбыт муҥура суох. Эһиги үтүөҕүт сүүс төгүл үтүөннэн төлөнүөҕэ. Бу акцябыт бүгүҥҥү концерынан түмүктэммэт, салгыы салҕанар.