«Ыччат ыһыаҕа»

Олоҥхо ыһыаҕын көрсө «Ыччат ыһыаҕа»

Бэс ыйын 10 күнүгэр колледж ыччата, самаан сайыны уруйдаан ыһыах ыста. Буоларын курдук, түптэ күөдьүтэн, буруо таһааран, уоту аһатан, алгыс сиэринэн – туомунан ыһыахпыт саҕаланна. Алгысчыт В.С.Николаев тыла ууһа, ыччата-тойуга дьэллэмэ барыбыт сүргэтин көтөхтө.

Колледж устудьуоннарын уонна үлэһиттэрин дириэктэри солбуйааччы Марина Трофимовна Гоголева эҕэрдэлээтэ, Бүлүүгэ ыытыллар Олоҥхо ыһыаҕынан уруйдаата, үлэҕэ-үөрэххэ ситиһиилэри баҕарда.

Ыһыах “Олоҥхо – норуот ытык үгэһэ”, олоҥхоттон быһа тардан көрдөрүү күрэҕинэн саҕаланна. Күрэххэ алта салаа кыттыыны ылла. Ордук үчүгэйдик ДО, ПДО, ШО олоҥхоһуттара  кытыннылар. Горохова Васияна Усуйаана улууһуттан, Осипов Ай-Тал олоҥхону толорууга дьоҕурдаахтарын көрдөрдүлэр.

Иккис күрэҕинэн түһүлгэни көрүү буолла, алын кылаас учууталларын иитэн таһаарар салаа үрдүк таһымнаах бэлэмнэниитинэн бастаата.

Маны таһынан “Оһуохай күрэҕэ”, “Уол Ньургун” – боотурдар, “Кыыс Ньургун” – кэрэ кыргыттар күрэхтэрэ олус табыллан бардылар. Ф.Ачикасова, Е.Семенов ФО, П.Михайлов ЗО тэҥнээхтэрин булбатылар.

Оһуохайга “Айылгы” ансаамбыл оһуохайдьыта Павлова Дария ШО куолаһа чөллөркөйө, матыыбын арааһа бастакы миэстэҕэ таһаарда. Үчүгэй оһуохайдьыттарынан А.Николаева II, А.Петрова III миэстэнэн билиннилэр.

Ыччат күөххэ тахсан көрүлээтэ, айылҕа абылаҥар ылларан дуоһуйа сынньанна. Бүлүүгэ ыытыллар Олоҥхо ыһыаҕар кыттарга күүс-уох эбиннилэр. “Айылгы” ансаамбыл  салайааччыта В.Томскай үҥкүүһүттэрин үчүгэйдик эрчийбитэ, саҥа көстүүмнэринэн хааччыйбыта айылҕаҕа өссө тупсан, кэрэтийэн көһүннэ. Түгэнинэн туһанан Үөһээ Бүлүүттэн төрүттээх алгысчыппытыгар В.С.Николаевка ыччат дьону ыпсарыылаахтык алҕаабытын, сайын кэлбитин уруйдаан туойбутун, оҕо дьоҥҥо оһуокайы олохтообутун иһин барҕа махталбытын биллэрэбит. Ыччат ыһыаҕын инникитин өссө тэрээһиннээхтик, көхтөөхтүк ыытарга бары күүспүтүн ууруохпут диэн санааҕа кэллибит.

«Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа» «Ыччат ыһыаҕа»

Официальный сайт Вилюйского педагогического колледжа