Ыам ыйын 6 күнүгэр Бүлүүтээҕи педагогическэй колледжка Аҕа дойду сэриитин бэтэрээнэ, оставкаҕа олорор полковник Афанасий Иннокентьевич Николаев кэлэн, колледжпытыгар үөрэнэр уолаттары кытары көрүстэ. Атах тэпсэн олорон кэпсэтиигэ Афанасий Иннокентьевич сэрии ыар сылларын, училищеҕа үөрэммитин туһунан, эдэр сааһын ахтан — санаан, олус долгутуулаахтык иэйэн кэпсээтэ. Үөрэппит кыһатын дириэктэрин И.Л. Гутин туһунан махталлаахтык аҕынна, ыччат туһугар кыһамньытын бэлиэтээтэ.
Афанасий Иннокентьевич ыччаттарга олох – дьаһах туһунан сырдатта. «Киһи тулуурдаах буолуохтаах, олох ханна баҕарар ыарахаттардаах буолар, сүрэхтээх, үлэттэн чаҕыйбат буолуохха наада, үөрэҕи баһылааҥ”, — диэн алгыс тылын эттэ. Түмүккэ колледжпыт дириэктэрэ Семен Викторович Иванов, дьолу – саргыны баҕаран, Т.А.Иванова суруйбут «Сааскы халлаан» диэн хартыынаны бэлэх туттарда.
Афанасий Иннокентьевич түмүккэ ыччаттарга армияҕа сулууспалаан, үөрэхтээх, дойдугутугар бэриниилээх дьон буолуҥ диэн, баҕа санаатын эттэ. Бүтэһигэр Светлана Григорьевна Мытник салайыытынан уопсай хаартыскаҕа түһүү буолла. Байыаннай формалаах уолаттар ытык кырдьаҕас ыалдьыппытын Афанасий Иннокентьевич Николаевы чиэстээн — бочуоттаан атаардылар
Иванов Дьулустаан, 311гр устудьуона
