Бүгүн о.э балаҕан ыйын 30 күнүгэр алын сүһүөх учууталларын бэлэмниир салаа 2 куурус устудьуоннара «Ала Туйгун-2025» диэн уолаттар икки ардыларыгар күрэх ыыттылар.
Бу күрэх сүрүн сыалынан буолар: уол оҕо билиҥҥи үйэҕэ таһымын көрүү, төрөөбүт тылынан саҥарар, толкуйдуур дьоҕурун билии (сайыннарыы). Сахабыт тыла сайдарын туһугар уонна кэлэр көлүөнэ ыччаппыт төрөөбүт тылынан саҥарар, толкуйдуур, үлэлиир-хамсыыр, инники идэтин уонна олоҕун ыкса сибээстиир буоларыгар аналлаах сэргэх тэрээһин буолла. Күрэх түмүгүнэн кыайыылаах Семенов Даниель таҕыста, кыттыбыт уолаттарга анал ааттар туттарылыннылар.