Кулун тутар 17 күнүгэр Н. Г. Чернышевскай аатынан Бүлүүтээҕи профессиональнай-педагогическай колледжка саха литературатын төрүттээбит, уһулуччулаах поэт, саха бастакы учуонайа, бөдөҥ общественнай деятелэ Алексей Елисеевич Кулаковскай – Өксөкүлээх Өлөксөй төрөөбүт күнүгэр аналлаах «Өксөкүлээх сардаҥата» өрөспүүбүлүкэтээҕи акцияҕа кыттыһан саха тылын уонна литературатын уһуйааччылара устудьуоннарга «Үйэлээх аартык» диэн документальнай киинэни көрдөрдүлэр. Суруйааччы айар үлэтин, олоҕун туһунан билиһиннэрдилэр, 231 группа устудьуоннара «Оттоку олук алгыһа» айымньытын хоһоонноохтук ааҕан иһитиннэрдилэр. Өксөкүлээх уотун «тыыннаах» чүмэчини уматтылар.
Өксөкүлээх аата үйэлэргэ умнуллубат!
