Хомус күнэ, 2011 сылтан бэс ыйын 27 күнүттэн Егор Борисов таһаарбыт ыйааҕынан Саха Өрүспүүбүлүкэтигэр сыл ахсын сэтинньи ый 30 күнүгэр бэлиэтэнэр.
Бу дьыл, Сэтинньи 30 күнүгэр Бүлүүтээҕи Н.Г.Чернышевскай аатынан профессиональнай — педагогическай колледжка үөрүүлээх быһыы-майгы буолан ааста. Ол курдук, Сахабыт сирэ бүттүүн бэлиэтиир Хомус күнүгэр аналлаах линейка үрдүк таһымнаахтык тэрилиннэ. Бу күн үөрэнээччилэр, учууталлар сахалыы таҥастаах кэлэн бэлиэ күнү ордук киэргэттилэр.
“Айылгы” фольклорнай ансаамбылын кыргыттара Вероника Петрова, Леля Дьячковская уонна Айысхаана Васильева хомус алыптаах матыыбын бэлэх ууннулар.
Түмүктүүр чааска бары кыттааччылары Вероника Петрова “Күргүөм хомуска” ыҥырда.
Саха омук этигэн хомуһа сүппэккэ-симэлийбэккэ, кɵлүɵнэттэн-кɵлүɵнэҕэ бэриллэн истин!
