Үгэскэ кубулуйбут саҥа үөрэх дьылын көрсө, маҥнайгы куурус устудьуоннарын чиэстээһин «Саҥа саҕахтары арыйан» диэн алын сүһүөх учууталларын бэлэмниир салаа «Хомустаах» сиригэр-уотугар үөрүүлээх тэрээһинин ыытта. Тэрээһиҥҥэ салаа 6 бөлөҕүн устудьуоннара, куратордар тэринэн кэлэн көхтөөхтүк кытыннылар. Салаа бэрэссэдээтэлин солбуйааччыта Сахая Алексеева салалтаалаах 3 уонна 2 куурус устдьуоннара ыыттылар. Ол курдук, бэйэни кытта билсии, квест көрдөөх оонньуута, «Күһүҥҥү киһи күлбүтүнэн» сонун, сэргэх күрэхтэһиилэри тэрийэн оонньоон-көрүлээн бардылар. 2024-2025 үөрэх дьылын көрсө салаа түмсүүлээх, инникигэ эрэллээх буолууга, саҥа саҕахтары арыйар торуму толкуйдаан, сыал-сорук туруорунан тарҕастылар. Быйыл учуутал идэтин талан киирбит оҕолорбутугар ситиһиини, саҥа дабайыылары баҕара хааллыбыт.