Үлэм түмүгэ – үөрүүм үрдэлэ

Муус устар 18 күнүгэр Н.Г.Чернышевскай аатынан Бүлүүтээҕи педколледжка п.н.к., СӨ үөрэҕин үтүөлээх үлэһитэ У.Ф.Кондакова «Үлэм түмүгэ – үөрүүм үрдэлэ” диэн ааттаан быйыл бүтэрэр колледж устудьуоннарыгар маастар — кылаас ыытта. Маастар – кылаас автор 50 сыллаах үлэтин түмүктүүр, бүтэрээччилэргэ айан аартыгын арыйар, үлэ суолун тобуларга көмөлөһөр сыалы-соругу туруоран “Ситиһиилээх киһи диэн кимий” диэн санаа ис хоһоонунан сэһэргэһии бэрээдэгинэн барда. Бүтэрээччилэр тиэмэни интэриэһиргээтилэр, сэҥээрдилэр, Ульяна Федоровна көрдөрбүт холобурдарын көрдүлэр-иһиттилэр.

50 сыллаах үлэ ситиһиитэ тиһиллэр тиһиллэн истэ. Сүрүн ситиһии үөрэҕи тэрийэр үлэттэн тутулуктааҕын өйдөөтүлэр. Үөрэх үлэтэ үчүгэйдик тэриллэриттэн устудьуон ситиһиилэрэ тиһиллэрин быһаардылар. Элбэх ситиһиилээх киһи үчүгэй учуутал буолара саарбаҕа суох.

иккиһинэн, ситиһии киһиттэн бэйэтиттэн тутулуктааҕын устудьуоннар тута быһаардылар: киһи билиитин хаҥатынарын, эт-хаан, култуура өттүнэн бэйэтин сайыннарыахтааҕын наадалааҕынан аахтылар.

үсүһүнэн, устудьуон ситиһиитигэр уһуйааччы оруола улаханын туһунан кэпсэтиигэ уопуттаах учууталлар ыччакка сабыдыаллара таарылынна. Учуутал төһө кыалларынан устудьуоҥҥа сайдар усулуобуйаны тэрийиэхтээҕин ыйдылар.

Дьарыгы үөрэх тас өттүгэр талан үөрэнэн, сайдан иһиллиэхтээҕэ этилиннэ.

төрдүһүнэн, устудьуон бэйэтин баҕатынан чинчийэр үлэнэн дьарыктанар. Онто кэлин, интэриэһэ күүһүрэн, научнай чинчийиигэ кубулуйан, улахан ситиһиини аҕалыан сөбүн Ульяна Федоровна бэйэтин холобурунан бигэргэттэ.

Бэсиһинэн, талааннаах ыччаты мунньан 1991 с. “Айылгы” ансаамбыл тэриллэн, 1998 с. народнай ааты көмүскээн, түөрт төгүллээн бигэргэтэн, бүтүн Аан дойдуга тиийэ аатырда, ситиһиитин бигэргэттэ.

алтыһынан, Ульяна Федоровна педколледжка кинигэ оҥорор киини тэрийэн элбэх автордар үүннүлэр, 160-ча кинигэ бэчээттэннэ. 50 сыллаах педагогическай үлэтин Ульяна Федоровна 50 кинигэни оҥорон көрсөрө кини үлэтин чыпчаал ситиһиитинэн буоларын оҕолор сөҕө көрдүлэр.

сэттиһинэн, тапталга ситиһии баар дуо? – ыйытыы улахан интэриэһи тарта. Оҕолор “Баар” диэн биир тылынан бигэргэттилэр. Устудьуоннар оҥорбут киинэлэрин көрөн күллүлэр – үөрдүлэр.

Бу курдук маастар – кылаастан выпускниктар бэйэлэригэр сөптөөх түмүк оҥостуохтара диэн эрэнэ хаалабыт. Ситиһии олоҕу хамсатар сүрүн күүс буолар. Ситиһиитэ суох киһи диэн суох. Ситиһии баар буолан, олох иннин диэки сыҕарыйар, сайдар, ситиһиилээх дойдулар сайдыылара күүстээх буолар.

Официальный сайт Вилюйского педагогического колледжа